Bob Ong's Eighth: Ang Mga Kaibigan ni Mama Susan *****

"Huwag mong bibigkasin ang hindi."

Lumitaw na ang pinakainaabangang ikawalong libro ni Bob Ong. Wala na kong sasabihing iba pa, baka may mga magalit pa saken. Tignan niyo na lang din ang trailer na ito:



Paunawa mula sa taong nakabasa na: 'Wag babasahin ilang minuto bago matulog. Basahin na lang ilang oras pagkatapos mong gumising sa umaga. Amen.

At ilang mensahe mula kay Bob Ong para sa mga illegal story tellers ng nasabing libro:

"Bunso, iwasan mo ang ugaling mapagmalaki nang dahil lang sa ikaw ang unang nakabili ng gusto mong libro o nakaabot ka na sa page 20. Ang mas magandang gawin, humanap ka ng bakante mong oras at kumportableng lugar kung saan ka makakapagbasa ng libro nang maayos at walang istorbo. Tapos sulitin mo ang ipinambili mo ng libro (o ang pag-aabala mong magbasa kung hindi man ikaw ang bumili ng libro) sa pamamagitan ng pag-unawa sa kabuuhan at maliliit na detalye ng kwento. Saka ka ngayon magyabang sa mga kaibigan mo dahil naintindihan mo ang binasa mo! => Hindi gaanong magiging masaya (o maayos) ang karanasan mo sa pagbabasa kung magtu-Tweet ka minu-minuto o mag-a-update ng status sa Facebook sa bawat lipat mo ng pahina ng libro. Bigyan mo ng oras ang sarili mo at karapatan na matahimik sa isang tabi kahit paminsan-minsan, at huwag katakutan ang paggawa ng iisang bagay lang sa iisang sandali. Lumaki ka man sa panahon ng multitasking at limang minutong attention span, marami pa ring bagay sa buhay ang mas magugustuhan mo kung paglalaanan ng sapat na panahon at hindi mamadaliin. Magandang ugali rin ang hindi pagkwento ng mga importanteng detalye ng librong nabasa mo bilang respeto sa mga kapwa mo mambabasang hindi pa tapos ang libro. Dahil sa maniwala ka’t sa hindi, hindi dahil sa tapos ka nang magbasa ay sabay-sabay na ring natapos ang ibang mga mambabasa. Marami ka pang mababasang libro na hindi man isinulat ng mahusay na manunulat ay magugustuhan mo pa rin dahil ikaw ay mahusay na mambabasa. Maraming salamat sa pakikiisa sa layunin nating gawing bayan ng mga mambabasa ang ating bansa. =>"

Source: http://www.facebook.com/note.php?note_id=466875696469

"Ik a w ay pinili. N araramdam an mo ba angm a higpit nayakap sa iyonga yon ng isangka ibigan?"

Worth reading. P150 lang kahit saan. Nakaw na! Ai este, bili na! :)
Happy reading!

Read more »

Posted in: Bob Ong

BOB ONG: Me Love You Long Time

2010/4/14 Erning Labra :

> Hello, Boss!
>
> May ikokonsulta po ako. Tungkol sa pag-ibig. Paano po ba kung
> yung taong gusto mo ayaw naman sayo... pero araw-araw mo siyang
> kasama sa trabaho? Akala mo, OK ka lang, kaya mo. Pero mahirap
> pala, kasi andyan siya lagi. Parang laging pinamumukha sayo na, ha-ha,
> hindi ka sapat, may kulang sayo, ha-ha. Paano po ba yun?
>
> Salamat po.


May dalawa akong sagot--isang gago, isang seryoso.

Gagong sagot:
1. Buhusan mo sya ng pagmamahal tulad ng ginagawa ng mga mayamang DOM sa mga laos nang teen star. Kung hindi epektib, proceed to step two.
2. Palipatin mo sya ng ibang trabaho...kung hindi pwede, step three.
3. Lipat ka ng ibang trabaho...kung hindi pwede, step four.
4. Ayawan mo sya. Ako, madaling ma-turn off sa ayaw sa akin. Ibig sabihin nun pangit panlasa nya. Sabihin mo sa sarili mo araw-araw sa salamin paggising sa umaga: "Shit! Ikaw, aayawan nya? Anong klaseng tao sya???" Basta pagkatapos ng "shit" dapat MAY exclamation point, hindi pwedeng diretso o walang punctuation. Abangan mo ilang araw lang, ayaw mo na rin sya. At mapapansin mo nang hindi pala pantay-pantay ngipin nya, labas ang mga buhok nya sa ilong, masyadong maliit yung kaliwa nyang boob, masyado syang madalas at malakas umutot, at meron syang "ep" at "fi" defect. (Pacebook Fropile.)

Pero paalala, hindi ko pa nasubukan ang payong ito dahil wala pa kong nagustuhang babae na ayaw sakin.

(...marami na pala, pero may ilang araw na ang lumipas kaya hindi na counted yun.)


Seryosong sagot:
Hanapin mo yung taong pinanggagalingan ng sinasabi nilang "Love Quotes ni Bob Ong"...parang masyadong maraming alam sa love yon, pati tenga naisip nyang pagdikitin para maging puso, baka sya makatulong sayo.


---


[Paalala: Una at huling beses na sasagot si BO ng lab prablem. Ang mga susunod na isasangguning problema ipo-forward na ni BO kay Ben Tulfo.]


---

Haha. Natuwa lang ako sa post na 'to ni BO si multiply niya. Silipin niyo rin. Hehe. :D

http://sibobpo.multiply.com/journal/item/8

(Favorite part: "Ako, madaling ma-turn off sa ayaw sa akin. Ibig sabihin nun pangit panlasa nya.") The best. Hahahahah. :D

Read more »

Posted in: Bob Ong,Love

Bob Ong: Hindi Sino, Kundi Kanino ang Iboboto Mo?

Meron kang dalawang uri ng boto: Ang una ay ang "boto ng konsensya". Ito ay para sa pinunong kinilatis mo, pinag-aralang maigi, pinaniniwalaan, at inaasahang may magagawa para sa bayan. Ang ikalawang uri ay ang "boto ng diskarte". Ito ay para sa kandidatong iboboto mo na lang para hindi manalo ang ayaw mo.

Para sa akin, mas matatanggap kong pamunuan ni Kiko Matsing ang bansa ko nang nagampanan ko nang tama ang tungkulin ko sa bayan bilang botante, kumpara sa makapagluklok ako ng ibang pinuno na resulta ng pagtalikod ko sa obligasyong bumoto nang tama. Dahil sa sandaling talikuran ko ang tama--sa ngalan ng diskarte--ay binibigyan ko na rin ng lisensya ang mga pinuno ng bayan ko na kumilos base sa diskarte, kapalit ng tama.

Ang boto ng konsensya ay base sa pag-asa. Ang boto ng diskarte ay base sa takot.

Ang bayan ng mga botante ng diskarte ay walang maaasahang pamunuan ng konsensya. Ang mga mamamayang kuntento na sa "pangalawang tama" ay mapagkakalooban ng pinunong ganoon din ang pamamalakad. Ang bansang hindi natututo, habambuhay na lang bibigyan ng leksyon.

Ini-endorso ko ang pagboto nang tama. Pwedeng matalo ang kandidato mo, pwedeng mangulelat. Pero mararamdaman mo lang ang kalayaan mo bilang tao at kapangyarihan mo bilang mamamayan sa Ika-sampu ng Mayo pagnasabi mo sa sarili mong "Napagkalooban ako ng karapatang pumili ng pinuno ng bayan ko, at nakaboto ako base sa sarili kong desisyon at ayon sa konsensya ko."

Kalapastanganan sa sariling dangal ang pagboto sa taong iba sa tunay mong pinaniniwalaan--dahil man ito sa may tumutok ng baril sa ulo mo, may bumili ng iyong boto, o mag-isa pong piniling iboto na lang kung sinuman ang tingin mong mananalo.

Hindi nasasayang ang boto sa mga talunang kandidato. Nasasayang ito sa mga talunang botante.

Kung iboboto mo ang boto na ayon sa desisyon ng iba, sino pa ang boboto ng ayon sa desisyon mo?

---
http://www.facebook.com/?ref=home#!/notes/bob-ong/hindi-sino-kundi-kanino-ang-iboboto-mo/386510001469

Read more »

Posted in: Bob Ong,Botohan

It's Opisyal! Ika-Pito ni Bob Ong, Andito Na!

Hindi ko alam kung late na ang blog na ito.

It's opisyal! Nasa bookstores na nga ang inaabangang ika-pitong libro ni Bob Ong na may title na "Kapitan Sino". Eto ang mga impormasyon tungkol sa nasabing libro na mula sa multiply ni BO (alam ko multiply niya yun)at sa website ng Visula Print Enterprises (publisher ni BO).

THERE IS SOMETHING STRANGE IN YOUR NEIGHBORHOOD


Naunahan na naman ang mga pulis sa pagtugis sa mga holdaper ng isang jewelry shop. Bago noon, may iba na ring nakahuli sa isang carnaper; sumaklolo sa mga taong nasa itaas ng nasusunog na building; nagligtas sa sanggol na hinostage ng ama; tumulong para makatawid sa kalsada ang isang matanda; tumiklo sa mga miyembro ng Akyat-Bahay; sumagip sa mag-anak na tinangay ng tubig-baha; nag-landing nang maayos sa isang Boeing 747 na nasiraan ng engine; at nagpasabog sa isang higanteng robot. Pero sino ang taong ‘yon? Maililigtas nya ba sila Aling Baby? At ano nga ba talaga ang sabon ng mga artista?


KAPITAN SINO

Ang pinakabagong superhero noon.
Mas matibay pa sa orig.
Sa mas mahabang panahon.



KAPITAN SINO
ni Bob Ong
ISBN: 978-9710-54501-8
168 pages, paperback
Filipiniana, FICTION
Suggested Retail Price: P175.00



<.-.> Para sa kapakanan ng mga mambabasa mong naghintay sa bagong libro, pwede mo bang sabihin sa amin kung tungkol saan ang Paboritong Libro ni Hudas?

Kapitan Sino?

<.-.> Ah, oo, Kapitan Sino pala. Hehe. Ang ganda-ganda kasi ng Paboritong Libro ni Hudas. Yon ang paborito ko sa mga libro mo e. Hindi dahil sa nandoon ako, pero marami talagang nagsasabi na maganda yung Paboritong--

Ahem, um, ang Kapitan Sino ay tungkol kay Rogelio Manglicmot na nakilala ng mga tao bilang isang superhero sa katauhan ni Kapitan Sino.

<.-.> Ang haba ng pangalan! Para sakin mas gusto ko pa rin yung mga isinulat mong tauhan na five characters lang ang pangalan, yung simple lang, yung parang puro punctuation mark lang....

Ah, magugustuhan mo si Bok-bok, kasi may punctuation mark din ang pangalan nya!
<.-.> Sino naman yun?

Kaibigan ni Rogelio. Marami kang makikilala sa mundo ni Kapitan Sino.

<.-.> Pati si Tesla?

Si Tessa. Pero tama ka, dahil kinuha ko ang pangalan nya kay Nikola Tesla. Isa sa pinakamagaling, kundi man ang pinakamagaling, na electrical engineer sa kasaysayan, pero kaawa-awang naagawan ng maraming imbensyon.

<.-.> Hindi ba si Tessa ang nagpatagal ng ika-pitong libro?

Nagkakahiyaan kasi sila ni Rogelio. Nahirapan tuloy akong magsulat ng
kwentuhan nila. Yung iba ngang usapan, hindi na nila ipinasulat sa akin.

<.-.> Kaya ba isang buong araw kang nakinig ng mga senti?

Hehehe. Higit pa. Paulit-ulit-ulit akong nakinig ng mga love song, kasama na yung kanta ni Carole King, nang ilang linggo habang isinusulat ang tagpo nila. Pilit din akong nanood ng romantic movies pandagdag inspirasyon, at nagpaturo sa romance novel writer na dating miyembro ng Bobong Pinoy YahooGroup. Ewan kung pasado na ang gawa ko.

<.-.> Totoo bang lumang superhero si Kapitan Sino?

Hindi. Sya ang pinakabagong superhero...noon.

<.-.> 80's? Ibinalik mo ba ang oras sa Dekada Otsenta?

Oo, kaya mas akma ang kwento sa mga 27 years old pataas. Baka merong mga hindi gaanong maintindihang detalye ang mga mas batang mambabasa. Makakatulong kung meron silang mapagtatanungang matanda.

<.-.> Hmmm... mukhang interesante itong ika-walong libro.

Ika-pito. Pero tama ka ulit, dahil may mauuna pa dapat akong libro dito, kundi lang nakiusap si Mayor na paunahin ko na sila.

<.-.> May Mayor? Matatapatan ba nito ang dami ng celebrity sa Paboritong Libro ni Hudas?

Tinutukoy mo ba sila Donita Rose, Marvin Agustin, at Tootsie Guevarra na nasa ikatlong libro? Ikinalulungkot ko, pero mas hitik at nag-uumapaw sa mga celebrity ang Kapitan Sino.

<.-.> Pero hindi mo maitatangging ako ang pinakasikat mong celebrity dahil lumabas ako sa dalawang libro!

Tama. Lumabas ka sa itim at puting libro. Pero may iba pa kong tauhan na lumabas din ulit dito sa Kapitan Sino.

<.-.> Huh?! Hindi mo ko pinasasaya sa mga sagot mo, Bob Ong! At bakit ako magkaka-interes kay Kapitan Sino kung nung 80's pa ang adventure nya?

Kung itatanong mo yan pagkatapos magbasa, hindi mo naintindihan ang libro.
<.-.> Saan ba ko kukuha ng kopya?

Unti-unti na pong nagkakaroon ngayon ang mga paborito nyong eatery o sari-sari store. Kung wala pa, baka naubusan lang kayo. Subukan nyo ulit sa ibang araw.

<.-.> Magkano ba?

75 pesos lang po...kung panahon ni Cory Aquino! Pero dahil 2009 na, P175.00 po ang isa.

<.-.> Matagal-tagal bago nasundan ang Macarthur.

Ito ang pinakamatagal na agwat ng pagsusulat ko. Pero natapos din ang libro, salamat sa inspirasyon mula sa mga mambabasang tagapagpalakas ng loob at umaasang laging masusundan pa ang huling librong nabasa nila. Dahil sa simpleng hiling nila na laging masabihan kagad kung may bago na silang mababasa kaya ginagamit na naman kita ngayon para sa official announcement.

<.-.> Sanay na ko. Alam ko kailangan mo ng celebrity endorser para sa Kapitan Sino. Idagdag mo na lang sa talent fee ko yung t-shirt ng officialuse.net.

Punta ka sa Komikon sa UP sa Sabado, May 16.
http://visprintpub.blogspot.com/ Meron doong mga t-shirt ni Bob Ong. Mura lang dahil hindi ka na magbabayad ng shipping fee. Pagkakataon mo na!

<.-.> Aba, talagang double-purpose ang patalastas ah! May Swine Flu ka pa sa lagay na yan.

Sipon lang.

<.-.> Sa susunod mong libro wag kang gagawa ng announcement pag may sipon ka, kasi lalong kumo-corny.

Sige, susubukan ko. Salamat.


Oh ano pang hinihintay niyo? Bili na! =)

Read more »

Posted in: Blog ni Eych,Bob Ong

Ang Tunay na Pangalan ni Bob Ong ay...

Naisip ko lang, ilang libong Pinoy na ba ang nag-blog ng tungkol kay Bob Ong? Ilang libong tao na ba ang nagsabing "Ang lupet ni Bob Ong! Idol ko talaga 'yun! The best!"? Ilan na ba ang nag-popost ng discussion sa Friendster Groups tungkol sa kung sino ba talaga si Bob Ong, kung ano itsura niya at may nabasa pa ko, 'Pa'nu kung ligawan ka ni Bob Ong?" Ilan na ba sa atin ang gustong makita siya ng personal at ma-kiss? At ilang milyong pagkatao na ba ang tahimik na sumisigaw na "Sana, maging Bob Ong din ako!"

Tama na sa'kin ang mag-blog ng tungkol sa mga libro niya. Hindi ko sana gustong magsulat ng tungkol sa "kanya" mismo. Sa sobrang dami na kasi ng mga bloggers na siya ang favorite topic, ayoko na sanang dumagdag pa sa kanila tapos parehong impormasyon din lang naman 'yung sasabihin ko. Pero ano 'tong ginagawa ko?

Hindi kasi siya tulad ni Dingdong Dantes na na-iissue. Hindi rin siya tulad ng Pangulo na ipinag-rarally ng mga tao sa Mendiola. Walang makapagsasabi kung kasing-pogi niya ba si Piolo o kaya sing-gwapo ni Bentong, bukod sa mga taong itinatago rin ang pagkatao niya. Wala tayong ibang magawa kundi sabihing "Kilala ko si BO! Taga ___ siya! Prof ko nga siya sa ___!" At ang kinakalabasan, nagiging "status symbol" na ang pagkakaroon ng maraming impormasyon tungkol sa kanya na pwedeng-pwede mong ipagyabang at ipagpalit sa isang N-series na cellphone.

Aamin na ko sa mga nalalaman ko.

Sabi ng isa sa mga members ng "Alagad ni Bob Ong" na isang group sa Friendster, isa "daw" siyang Professor sa isang public university sa bansa. Ang tunay "daw" niyang pangalan ay.. ahm.. ahm.. ahm.. **************. Prof nga "daw" siya ng kaibigan niya. Graduate "daw" siya sa *** at ************* "daw" ang course na tinapos niya. Taga *********** "daw" siya at bukod sa mga 'yan e wala na kong alam. Hindi ko lang alam kung bakit hindi ko magawang paniwalaan ang bawat "daw" sa mga impormasyong nakuha ko.

Sa pinakasimpleng statement na kaya kong ibigay, ito lang ang masasabi ko - "Hindi ako naniniwala!". Inaamin ko, nagawa kong ipagyabang 'yung mga impormasyon na 'yan sa mga kaibigan ko. Hanggang sa naisip ko, parang tanga pala ako. Bakit pinaniniwalaan ko 'yung sabi-sabi ng iba at hindi 'yung mismong iniidolo ko?

Walang makapagsasabi kung ano talaga ang totoo. Maaaring tama ang mga detalye na 'yan tapos 'pag nabasa 'to ni BO e ibigay niya ang web address ng Pedestrian Crossing sa NBI at magmakaawang ipakidnap ako sa Abu Sayyaf. Pero sa totoo lang, walang kwenta ang pag-alam natin sa kung sino ba talaga siya dahil desisyon niya mismo ang paglantad bilang Bob Ong-isang pangalang walang anino, tago ang pagkatao. At ang tanging magagawa lang natin bilang mga taga-hanga niya e mabuhay, kahit kaunti, bilang Bob Ong - bilang isang halimbawa ng isang tunay na Pinoy.

May moral lesson dito. hanapin mo. *tawa*


(Pag-kaabalahang basahin ang "Bobong Pinoy for Dummies" sa website na ito para sa iba pang katotohanan.)

--

Update:

Inalis ko na ang nadawit na pangalan. Sorry sa pagkakamali ko. Sorry.

Read more »

Posted in: Blog ni Eych,Bob Ong

Ang Ika-Pito ni Bob Ong.. Andito na!

Pagkatapos ng isang taong paghihintay, at pagkukuro-kuro, sa wakas, malapit na malapit nang makita sa mga bookstores ang bagong libro ng iniidolo nating Pinoy author. Mukhang kumambyo ng ibang genre 'tong idol natin. Panuorin ang video na ito mula sa website ng Visual Print Enterprises (www.visprint.net), ang publisher ni idol.

Sino kaya ang superhero na ito? Ito na kaya yung magliligtas sa buong kalawakan? Abangan. =)

Read more »

Posted in: Blog ni Eych,Bob Ong

Ang Alamat

Gusto ko lang i-share sa inyo ang "concept art" ng Alamat ng Gubat ni Bob Ong. Ito yung parang "scratch" ng magiging cover na nasabing libro. Ok naman di ba? Si Klaro de Asis ang illustrator ng librong ito. Kung tutuusin, ayos lang kung ito ang magiging cover ng pang-apat na libro ni BO(kung hindi ako nagkakamali). Nabasa ko sa isang website (na nakalimutan ko kung saan, sorry pero thank you!) na nabasa na lang daw ni BO sa internet na orange daw ang magiging kulay ng pang-apat niyang libro. At ang kinalabasan ay eto na nga:



Ang ganda di ba? At dito, mga bata, natatapos ang kwento ng Alamat ng cover page ng Alamat ng Gubat. (Palakpakan!)


(Nakuha ang mga larawan sa friendster ni Bob Ong.)
>>>

Read more »

Posted in: Blog ni Eych,Bob Ong

Ang Librong Pambatang Pwede sa Matatanda

Ang unang libro ni Bob Ong na nabasa ko ay yung "ABNKKBSNPLAko?!". Hindi ko alam dati na si Bob Ong pala ang author nun, basta ang alam ko, astig siya. Period. Nang mapadaan ako sa isang bookstore, nalaman kong hindi lang pala isa ang mga librong nagawa niya, marami pala! Una kong napansin ay yung "Alamat ng Gubat". Hindi ako nagkainteres dun dati kasi ang alam ko, isa itong librong pambata at marami naman akong story books sa bahay. At dahil wala pa akong masyadong alam sa naturang author, naisip ko, "Parang tanga pala tong si Bob Ong, pati talangka pinagtripan!". At ito lang ang tanging libro ni Bob Ong na ni minsan ay hindi ko pinagkainteresan.

Nagbago ang pananaw ko sa nasabing libro nang ipahiram sa'kin ng girlfriend ng kuya ko ang iba pang mga libro ni BO. Nabusog ang utak ko sa ABNKKBSNPLAko?!, (binasa ko ulit, nakalimutan ko kasi kung bakit hinagis ni Miss Uyehara yung mga notebook ng mga kaklase ni BO), Stainless Longganisa, at ang Ang Paboritong Libro ni Hudas (na nabalitaan kong paborito din palang libro ni San Pedro at ng kabatak kong angel). Nang kinailangan ko ng panulak, napilitan akong basahin ang "pambatang libro."

"Bawal manghiram, bumili ka ng sarili mong kopya!". Yan ang nagwelcome sakin ng buksan ko ang libro, nasa ilalim ito ng "This book belongs to:" Inisip ko, sinong matinong tao ang susunod dito? (peace BO! hehe)

Page 1 pa lang, natawa na ako. Nalaman kong marunong pala mag-friendster ang mga talangka, Kala ko kasi dati hindi eh. Nagpatuloy ako sa pagbasa hanggang sa makilala ko sila Bibe, Aso, Tipaklong, Ulang, Buwaya, Pagong, Manok, at kung sinu-sino pang mga kamag-anak mo. Hindi ko namalayang "About the Author" na pala ang binabasa ko na kinaasaran ko dahil akala ko may malalaman talaga akong "About the Author". Natapos ko na pala ang libro, solve na ang uhaw ko.

"Iba ang walang ginagawa kesa sa gumagawa ng wala." Naisip ko bigla ang isa sa mga pulitikong kilala ko na binabayaran ng taumbayan pero wala namang ginagawa para umunlad ang mga nasasakupan niya. Napag-isip-isip kong binabayaran pala nila ang taong gumagawa ng wala.

'Yun naman pala 'yun. May kinalaman sa pulitika at sistema ng bansa ang sinasabi nilang "librong pambata na pwede sa matatanda." Sinipa ako ng katotohanang nasa ilalim ako ng isang sitemang pinapatakbo ni Ulang.

Comments:

Maganda nga ang "Alamat ng Gubat". Ito yung favorite book ng isa sa mga congressman kong friend sa friendster.>>>

Read more »

Posted in: Blog ni Eych,Bob Ong

FAQ. (Bobong Pinoy for Dummies)

Frequently Asked Questions
(Bobong Pinoy for Dummies)

Q: Nasa ibang bansa ako, paano ba ako makakakuha ng kopya ng mga libro ni BO?
A: Tunguhin lang po natin ang www.divisoria.com o www.bobOngbooks.com. Pwede ring mag-email na lang nang diretso sa publisher sa book_inquiry[at]visprint.net.

Q: Wala ako sa ibang bansa, pero wala rin ako sa Metro Manila. Nandito ako nakabitin sa mga sanga ng puno sa isang liblib na probinsya ng Pilipinas. Paano ba ako makakakuha ng kopya ng mga libro ni BO?
A: Nagpapadala po ng libro via mail ang Visual Print Enterprises. Ipaalam lang ang inyong prayer request sa book_inquiry[at]visprint.net, o tumawag sa telepono bilang (632) 887.4859.

Q: Totoo bang may E-book version ang mga libro ni BO?
A: Kung meron man, ilegal na mga kopya; walang kabayaran na natatanggap si BO at walang donasyon na napupunta sa mga organisasyon na umaasa sa tulong ng mga mambabasa. Hindi sinusuportahan ni BO ang E-books dahil aksaya lang sa natural resources ang pagkain nito ng kuryente. Sa pagtangkilik ng E-books, tinatalikuran mo ang pagkakataong makatulong sa mga kapuspalad, ninanakawan mo maging ang likas na yaman ng planeta, at pinagkakaitan mo ng pasasalamat ang isang poging Filipino author. Hindi ka cool, at bagay sayo ang pangalang Lucifer.

Q: Nakakainip naman, gaano ba katagal bago makatapos ng bagong libro si BO?
A: Sabihin na lang natin na ang librong babasahin mo sa susunod na taon ay noong isang taon pa isinusulat.

Q: Hindi ko naman yata nabasa sa mga libro ni BO yung mga quotations na umiikot ngayon sa text at email; kanya ba talaga yon?
A: Hindi. Minsan korni si BO, minsan jologs. Pero pag sabay na korni at jologs ang quote, di sa kanya yon. Simula ngayon ang magpasa ng maling text may hadhad. Game!

-------------------------------------------------------------------------------------------------

Q: Gusto sana naming i-review o i-publish ang isang bahagi ng libro para sa aming magazine o website, paano ba kami hihingi ng permiso?
A: Ipaalam lang sa book_inquiry[at]visprint.net. Paalala po na hindi lang "isang bahagi ng libro" ang pagkopya mula page 9 hanggang page 26.

Q: Gusto sana naming gumawa ng mga t-shirt, sticker, payong, at mga wallclock na may design ng BobongPinoy at Bob Ong Books, pwede ba yon?
A: Hindi po. Ang Bobong Pinoy, kasama na ang pabalat at nilalaman ng mga libro ni Bob Ong, ay copyrighted materials na hindi maaaring gamitin sa anumang produkto nang walang nasusulat na permiso mula sa may-ari.

Q: Gusto ko sanang gamitin ang mga libro ni BO para sa assignment sa school, paano ba ko hihingi ng permiso?
A: Kung gagawan mo lang ng buod, o illustration, o mga bagay na tulad nito, at hindi mo naman ire-reproduce ang libro para i-distribute sa ibang tao, di mo na kailangan humingi ng permiso. Basta't isaad lang ang pangalan ng libro, author, at publisher sa iyong trabaho bilang acknowledgment, at magbayad ng P150,000.00 bilang donasyon.

Q: Estudyante po ako, kailangan kong ma-interview si BO, pwede ba?
A: Hindi. Dahil hindi rin naman nasasagot ni BO ang lahat ng questionnaires at naaawa lang s'ya sa mga estudyanteng nade-delay ang projects nang dahil sa kanya blah blah blah kunyari nagpaliwanag si BO at naintindihan mo blah blah blah....

Q: Taga-channel 2, 4, 5, 7, 9, 11, 13, 23, 25, MTV, HBO, Star, AXN, JackTV, ETC, ESPN, Disney, Nickelodeon, Cartoon Network, National Geographic, Discovery Channel po ako, kailangan kong ma-interview si BO, pwede ba?
A: Hindi...liban na lang kung may kinalaman ang interview sa pagbuo ng isang fantaserye kung saan laging may bed scene sina BO at Halle Berry.

Q: Pwede ba maimbitahan--
A: Hindi. Wala s'yang balak mag-ikut-ikot ng eskwelahan para maging guest speaker, o dumayo ng bookstores para sa author's visit, o mangampanya para kay Eddie Gil.

Q: Pwede bang mahingian ng personal data si BO?
A: Hindi, sa parehong paraan na hindi ka rin basta-basta nahihingian ng personal data o picture na may dedication sa likod. Hindi ka matutulungan ni BO kung ang hihingin mo sa kanya ay mga impormasyong tulad ng name, age, address, telephone number, signature, at who is your crush?.

-------------------------------------------------------------------------------------------------

Q: Ano ang nutribun?
A: Ang Nutri Bun ay isang masustansyang monay na alay ng mga taga-ibang bansa (United Nations?) sa kabataang Pilipino noong mga panahon ng Martial Law. (Malnourished daw kasi tayo.) Itinitinda ito sa mga eskwelahan, at paborito ng mga bata na may singaw, walang panlasa, at lubhang takot sa mga teacher.

Q: Siret na: "You are to travel from point A to point B and return. On the trip from A to B, you travel at thirty miles per hour. How fast would you have to travel from B to A in order to average sixty miles per hour for the round trip?"
A: "The answer everyone quickly gives is ninety miles an hour. Wrong! This is an impossible journey. Think of it this way: Imagine that the distance from A to B is one mile. Sixty miles per hour is a mile a minute. So it would take two minutes at the average speed of sixty miles per hour to make the round trip of two miles. Now, the first half of the trip--one mile--is to be made at thirty miles per hour. This would take two minutes. You can see there is no time
left for the return trip."

Q: 8 x 7?
A: 56. O-ha! Walang calcu 'yan!

Q: Si BO ba yung batang natae na ikinuwento sa hulihan ng ABNKKBSNPLAko?!
A: Hindi.

Q: Totoo bang nangyari kay BO lahat ng nakasulat sa ABNKKBSNPLAko?!?
A: Bukod sa nabanggit sa itaas, sa pagkakaalala n'ya ay oo.

Q: Hindi ko nakuha. Bakit "Bakit Baliktad Magbasa ng Libro ang mga Pilipino?" ang pamagat ng ikalawang libro?
A: Basahin mo ulit.

Q: Hindi ko nakuha. Bakit "Macarthur" ang pamagat ng ikaanim na libro?
A: Basahin mo ulit.

Q: Bakit--?
A: Basa--!

Q: Bakit ang hilig-hilig n'yo sa Comic Sans?!?
A: (1)Dahil Nasa Comic Sans ang original na BP; at (2)Pamahiin ng matatanda.

Q: Ano ang Veny, Geran, Depir, Ventocoseuss, Tuls, Gynottul, at Holts sa itim na libro?
A: Anagrams ng 7 Deadly/Capital Sins na ginamit bilang chapter titles. May kinalaman sa halos lahat ng mga nakapaloob na kwento.

Q: Totoo bang sumali si BO sa Laban o Bawi?
A: Hindi.

Q: Nbsa ko n po ang stnlss longnisa, gs2 q rin pong mgsulat. May knbukasan po b ko s pgssulat?
A: Depende. Kaya mo bang sumulat ng mga salita na tama ang spelling at kumpleto ang mga letra?

Q: Totoo bang may almond yung kinaing ta* ng mga langaw sa Alamat ng Gubat?
A: Hindi. Props lang 'yon.

-------------------------------------------------------------------------------------------------

Q: Ano ang Bobong Pinoy?
A: Ang Bobong Pinoy ay website ni BO, itinatag pagkaupo ng ikalabing-tatlong presidente ng Pilipinas, at binuwag matapos ang pagbaba ng nasabing pinuno sa trono. Kasalukuyan ito ngayong pinagkukutaan ng mga kapaki-pakinabang na tambay ng Pilipinas sa pamumuno ni Osama Bin Laden.

Q: Wala na ba kayong archive o mga natatagong articles ng BP na maaaring mabasa?
A: Meron. "Bakit Baliktad Magbasa ng Libro ang mga Pilipino?"

Q: Bakit ayaw mong... este, ni BO pala, ibalik ang website na Bobong Pinoy?
A: Napakaraming dahilan.

Q: Bakit isinama mo pa sa FAQ na 'to ang tanong sa itaas e hindi mo rin naman pala sasagutin?
A: Pamparami.

Q: Meron ba kayong mailing list na maari kong salihan?
A: Meron, dala-dalawa pa! Kung gusto mong makatanggap ng mga napakadalang na announcement sa E-mail tungkol sa mga raket ni BO, punta ka sa www.yahoogroups.com/subscribe/BP_update. Kung handa ka namang mag-aksaya ng buhay mo sa mga walang katuturang kwentuhan kapiling ng mga kapwa mo nag-uubos ng oras sa mundo, punta ka sa www.yahoogroups.com/subscribe/bobongpinoy.

-------------------------------------------------------------------------------------------------

Q: Sino si BO?
A: Kasalukuyan pa rin po nating hinihingi ang pananaw ng mga siyentipiko at Simbahang Katoliko ukol dito.

Q: Bakit n'ya naisipang magsulat?
A: Dahil ipinanganak s'ya.

Q: Bakit walang mga book launching si BO?
A: Mahigpit itong ipinagbabawal ng kanyang relihiyon.

Q: Bakit dalawa, at bakit ganoon ang mga pirma ni BO?
A: Ang unang pirma ay ginawa ni BO noong 6 months pa lang s'ya at wala pang ngipin. Ang pangalawang pirma ay totoong initials ni BO, pinagsama, encrypted sa isang ancient alphabet.

Q: Adik ba si BO?
A: Recovering.

Q: Natutuwa ba si BO sa mga "fans"?
A: Oo at hindi. Ang hindi ay dahil sa nadidiktahan s'ya na dapat laging magugustuhan ng mga tao ang isinusulat n'ya.

Q: Pwede ko bang masulatan si BO?
A: Oo, sa bobongpinoy[at]gmail.com. Pero walang tinta ang ballpen n'ya ngayon at hindi s'ya nakakasagot sa mga e-mail o mensahe sa Friendster.

Q: Pwede ko bang masulatan si BO?
A: Oo, sa bobongpinoy[at]gmail.com. Pero walang tinta ang ballpen n'ya ngayon at hindi s'ya nakakasagot sa mga e-mail o mensahe sa Friendster. (Basahin nang paulit-ulit. Kailangang i-memorize 'yan!)

Q: Intsik ba si BO?
A: Hindi s'ya "Intsik." Hindi s'ya Tsinoy. Sya'y 100% Filipino bagama't medyo kamukha ng mga Amerikano... na tulad ni Eddie Murphy.

Q: May nakakita na ba kay BO?
A: Hindi na mabilang. Ilan sa hindi mabilang na 'to ay malalapit n'ya nang kaibigan ngayon. Pinagsisisihan n'ya ang lahat.

Q: Kilala ko si BO sa personal, bakit ang hirap nya lapitan?
A: Dahil gusto mo lang magpa-authograph at hindi mo sya kinikilala bilang taong may puso't-damdamin at gutom na tiyan na gusto ng meryenda.

Q: Gusto ko makita si BO, paano ba?
A: Libre ang mga bata, 4 ft. and below. 5,995 pesos ang entrance fee para sa mga matatanda. Bawal ang mga batang walang kasamang sampung matanda. Magdala ng Bonamin.

Q: May BO ba si BO?
A: Gusto mong suntukan?!??

Q: Napansin mo bang korni ang FAQ mo?
A: ANO 'KA MO???
Q: Sabi ko, wala bang picture si BO?
A: Ah... out of stock sa ngayon, pero maaari kayong bumili sa mga bookstore, katabi ng mga poster ng "Our Digestive System" at "Flags of the World".

Q: Masyado ba kong matanong?
A: Ayos lang. Mga dalawang tanong pa... talo mo na ang pinagsamang Boy Abunda at The Riddler.

Q: Last na, talaga bang may mga nagtanong ng "frequently asked" questions na 'to?
A: Wala. Pauso lang lahat yan ni BO. Napagtripan n'ya lang gumawa ng FAQ habang nagda-download ng MP3 ng Sexbomb Girls.

Q: Dedication?
A: To all my fan,
Sana maging dalawa ka na.




-http://www.visprint.net/publications/bob/faq.htm>>>

Read more »

Posted in: Bob Ong

Bob Ong Quotes

"bakit ba ayaw matulog ng mga bata sa tanghali, alam ba nilang pag natuto silang umibig e hindi na sila makakatulog kahit gusto nila?"

"hindi lungkot o takot ang mahirap sa pag-iisa kundi ang pagtanggap na sa bilyon-bilyong tao sa mundo, wala man lang nakipaglaban upang makasama ka."

"Kung nagmahal ka ng taong di dapat at nasaktan ka, wag mong sisihin ang puso mo. Tumitibok lng yan para mag-supply ng dugo sa katawan mo. Ngayon, kung magaling ka sa anatomy at ang sisisihin mo naman ay ang hypothalamus mo na kumokontrol ng emotions mo, mali ka pa rin! Bakit? Utang na loob! Wag mong isisi sa body organs mo ang mga sama ng loob mo sa buhay! Tandaan mo: magiging masaya ka lang kung matututo kang tanggapin na hindi ang puso, utak, atay o bituka mo ang may kasalanan sa lahat ng nangyari sayo, kundi IKAW mismo!"

"nalaman kong hindi final exam ang passing rate ng buhay. hindi ito multiple choice, identification, true or false, enumeration or fill-in-the-blanks na sinasagutan kundi essay na isinusulat araw-araw. Huhusgahan ito hindi base sa kung tama o mali ang sagot, kundi base sa kung may kabuluhan ang mga isinulat o wala. Allowed ang erasures."

"Wag magmadali sa pag-aasawa. Tatlo, lima, sampung taon sa hinaharap, mag-iiba pa ang pamantayan mo at maiisip mong di pala tamang pumili ng kapareha dahil lang sa kaboses niya si Debbie Gibson o magaling mag-breakdance. Totoong mas importante ang kalooban ng tao higit anuman. Sa paglipas ng panahon, maging ang mga crush ng bayan sa eskwelahan e nagmumukha ring pandesal. Maniwala ka."

"ayokong nasasanay sa mga bagay na pwede namang wala sa buhay ko "

"hinahanap mo nga ba ako o ang kawalan ko?"

"hindi dahil sa hindi mo naiintindihan ang isang bagay ay kasinungalingan na ito. at hindi lahat ng kaya mong intindihin ay katotohanan."

"Kumain ka na ng siopao na may palamang pusa o maglakad sa bubog nang nakayapak, pero wag na wag kang susubok mag-drugs. Kung hindi mo kayang umiwas, humingi ka ng tulong sa mga magulang mo dahil alam nila kung saan ang mga murang supplier at hindi ka nila iisahan."

"Mag-aral maigi. Kung titigil ka sa pag-aaral, manghihinayang ka pagtanda mo dahil hindi mo naranasan ang kakaibang ligayang dulot ng mga araw na walang pasok o suspendido ang klase o absent ang teacher. (Haaay, sarap!)."

"Mangarap ka at abutin mo. Wag mong sisihin ang sira mong pamilya, palpak mong syota, pilay mong tuta, o mga lumilipad na ipis. Kung may pagkukulang sa’yo mga magulang mo, pwde kang manisi at maging rebelde. Tumigil ka sa pag-aaral, mag-asawa ka, mag-drugs ka, magpakulay ka ng buhok sa kili-kili. Sa bandang huli, ikaw din ang biktima. Rebeldeng walang napatunayan at bait sa sarili."

"Tuparin ang mga pangarap. Obligasyon mo yan sa sarili mo. Kung gusto mo mang kumain ng balde-baldeng lupa para malagay ka sa Guinness Book of World Records at maipagmalaki ng bansa natin, sige lang. Nosi balasi. wag mong pansinin ang sasabihin ng mga taong susubok humarang sa'yo. Kung hindi nagsumikap ang mga scientist noon, hindi pa rin tayo dapat nakatira sa jupiter ngayon. Pero hindi pa rin naman talaga tayo nakatira sa jupiter dahil nga hindi nagsumikap ang mga scientist noon. Kita mo yung moral lesson?"

"Nalaman kong marami palang libreng lecture sa mundo, ikaw ang gagawa ng syllabus. Maraming teacher sa labas ng eskuwelahan, desisyon mo kung kanino ka magpapaturo. Lahat tayo enrolled ngayon sa isang university, maraming subject na mahirap, pero dahil libre, ikaw ang talo kung nag-drop ka. Isa-isa tayong ga-graduate, iba't-ibang paraan. tanging diploma ay ang mga alaala ng kung ano mang tulong o pagmamahal ang iniwan natin sa mundong pinangarap nating baguhin minsan..."

"Sabi nila, sa kahit ano raw problema, isang tao lang ang makakatulong sa’yo – ang sarili mo. Tama sila. Isinuplong ako ng sarili ko. Kaya siguro namigay ng konsyensya ang Diyos, alam niyang hindi sa lahat ng oras e gumagana ang utak ng tao."

"Obligasyon kong maglayag, karapatan kong pumunta sa kung saan ko gusto, responsibilidad ko ang buhay ko."

"Nalaman kong habang lumalaki ka, maraming beses kang madadapa. Bumangon ka man ulit o hindi, magpapatuloy ang buhay, iikot ang mundo, at mauubos ang oras."

"Masama akong tao, tulad mo, sa parehong paraan na mabuti kang tao, tulad ko."

"Hikayatin mo lahat ng kakilala mo na magkaroon ng kahit isa man lang paboritong libro sa buhay nila. Dahil wala nang mas kawawa pa sa mga taong literado pero hindi nagbabasa."

"Mas mabuting mabigo sa paggawa ng isang bagay kesa magtagumpay sa paggawa ng wala."

"...madaming teacher sa labas ng eskwelahan. desisyon mo kung kanino ka magpapaturo."

"iba ang informal gramar sa mali!!!"

"dalawang dekada ka lang mag-aaral. kung 'di mo pagtityagaan, limang dekada ng kahirapan ang kapalit.sobrang luri. kung alam lang 'yan ng mga kabataan, sa pananaw ko ehh walang gugustuhing umiwas sa eskwela."

"Para san ba ang cellphone na may camera? Kung kailangan sa buhay un, dapat matagal na kong patay."

"iba ang walang ginagawa sa gumagawa ng wala"

"Titingnan mo ba ang basong kalahating bawas o kalahating puno?"

"Pare, isa kang totoong tao at walang halong kasinungalingan.
In English, FACT you, pare. Totoo ka. In English, FACT you!">>>

Read more »

Posted in: Bob Ong