Blogger vs Scammer (Bwahahaha!)

Pamilyar ka ba sa email scam? 'Yung mga messages na nagsasabing nanalo ka sa isang international lottery kahit hindi ka naman tumaya? 'Yung nagsasabing pamamanahan ka nila ng bilyong-bilyong salapi? 'Yung nagsasabing paggising mo bukas, pwede mo nang bilhin ang buong planeta dahil sobrang yaman mo na?

Ako, oo. Sa libu-libong pagkakataon, oo. Hindi na nga mabilang 'yung mga scams na natatanggap ko. Nagsimula 'yun nung may natanggap akong email mula sa isang African na nagsasabing namatayan daw siya ng pamilya at merong iniwan sa kanyang yaman ang tatay niya na nagkakahalaga ng halos 100 Milyong dolyar at gusto niya daw ipahawak iyon sa akin. Itatransfer niya ang nasabing halaga sa bank account ko (na alam ko e friendster account lang ang meron ako) at dadalawain niya ko dito sa Pilipinas para pag-usapan kung paano namin gagastusin ang pera niya. At dahil ito ang unang email scam na natanggap ko, isa lang ang naisip ko - "cool!".

Tinanong ko siya ng mga bagay-bagay gaya ng "Where did you get my email address and why me?" na sinagot naman niya ng "Thank you for your response. I appreciate it very much, kindly give me your personal information. Thanks. bla bla bla". Sinabi ko 'yun sa kuya kong si ArAr at ang sabi niya e scam nga daw yun. Nireplyan ko ulit, "Oh thank you too. Utot mo!" At nagreply naman siya ng "Thank you again for your eagerness to help me bla bla bla." At nakahanap na naman ako ng bagong mapagtitripan. Bored pa naman ako ngayong bakasyon. :)

Nalaman ko na kapag nagreply ka sa isang email scam, asahan mo ang pagdagsa pa ng napakaraming email scam sa'yo. At automatic na may pangreply na sa message mo ang mga scammers. Wag ka na magtaka kung bakit parang ang layo ng sagot nila sa'yo pag nireplyan ka nila. Siguro higit sa isang daan na 'yung natatanggap ko at nalaman kong maraming tao ang natutuwa kapag pinagsasabihan ng "utot!"

At ang moral lesson? Wag magtiwala basta-basta at wag magba-blog 'pag gutom ka na.

Read more »

Posted in: Blog ni Eych,Sari-sari

It's Opisyal! Ika-Pito ni Bob Ong, Andito Na!

Hindi ko alam kung late na ang blog na ito.

It's opisyal! Nasa bookstores na nga ang inaabangang ika-pitong libro ni Bob Ong na may title na "Kapitan Sino". Eto ang mga impormasyon tungkol sa nasabing libro na mula sa multiply ni BO (alam ko multiply niya yun)at sa website ng Visula Print Enterprises (publisher ni BO).

THERE IS SOMETHING STRANGE IN YOUR NEIGHBORHOOD


Naunahan na naman ang mga pulis sa pagtugis sa mga holdaper ng isang jewelry shop. Bago noon, may iba na ring nakahuli sa isang carnaper; sumaklolo sa mga taong nasa itaas ng nasusunog na building; nagligtas sa sanggol na hinostage ng ama; tumulong para makatawid sa kalsada ang isang matanda; tumiklo sa mga miyembro ng Akyat-Bahay; sumagip sa mag-anak na tinangay ng tubig-baha; nag-landing nang maayos sa isang Boeing 747 na nasiraan ng engine; at nagpasabog sa isang higanteng robot. Pero sino ang taong ‘yon? Maililigtas nya ba sila Aling Baby? At ano nga ba talaga ang sabon ng mga artista?


KAPITAN SINO

Ang pinakabagong superhero noon.
Mas matibay pa sa orig.
Sa mas mahabang panahon.



KAPITAN SINO
ni Bob Ong
ISBN: 978-9710-54501-8
168 pages, paperback
Filipiniana, FICTION
Suggested Retail Price: P175.00



<.-.> Para sa kapakanan ng mga mambabasa mong naghintay sa bagong libro, pwede mo bang sabihin sa amin kung tungkol saan ang Paboritong Libro ni Hudas?

Kapitan Sino?

<.-.> Ah, oo, Kapitan Sino pala. Hehe. Ang ganda-ganda kasi ng Paboritong Libro ni Hudas. Yon ang paborito ko sa mga libro mo e. Hindi dahil sa nandoon ako, pero marami talagang nagsasabi na maganda yung Paboritong--

Ahem, um, ang Kapitan Sino ay tungkol kay Rogelio Manglicmot na nakilala ng mga tao bilang isang superhero sa katauhan ni Kapitan Sino.

<.-.> Ang haba ng pangalan! Para sakin mas gusto ko pa rin yung mga isinulat mong tauhan na five characters lang ang pangalan, yung simple lang, yung parang puro punctuation mark lang....

Ah, magugustuhan mo si Bok-bok, kasi may punctuation mark din ang pangalan nya!
<.-.> Sino naman yun?

Kaibigan ni Rogelio. Marami kang makikilala sa mundo ni Kapitan Sino.

<.-.> Pati si Tesla?

Si Tessa. Pero tama ka, dahil kinuha ko ang pangalan nya kay Nikola Tesla. Isa sa pinakamagaling, kundi man ang pinakamagaling, na electrical engineer sa kasaysayan, pero kaawa-awang naagawan ng maraming imbensyon.

<.-.> Hindi ba si Tessa ang nagpatagal ng ika-pitong libro?

Nagkakahiyaan kasi sila ni Rogelio. Nahirapan tuloy akong magsulat ng
kwentuhan nila. Yung iba ngang usapan, hindi na nila ipinasulat sa akin.

<.-.> Kaya ba isang buong araw kang nakinig ng mga senti?

Hehehe. Higit pa. Paulit-ulit-ulit akong nakinig ng mga love song, kasama na yung kanta ni Carole King, nang ilang linggo habang isinusulat ang tagpo nila. Pilit din akong nanood ng romantic movies pandagdag inspirasyon, at nagpaturo sa romance novel writer na dating miyembro ng Bobong Pinoy YahooGroup. Ewan kung pasado na ang gawa ko.

<.-.> Totoo bang lumang superhero si Kapitan Sino?

Hindi. Sya ang pinakabagong superhero...noon.

<.-.> 80's? Ibinalik mo ba ang oras sa Dekada Otsenta?

Oo, kaya mas akma ang kwento sa mga 27 years old pataas. Baka merong mga hindi gaanong maintindihang detalye ang mga mas batang mambabasa. Makakatulong kung meron silang mapagtatanungang matanda.

<.-.> Hmmm... mukhang interesante itong ika-walong libro.

Ika-pito. Pero tama ka ulit, dahil may mauuna pa dapat akong libro dito, kundi lang nakiusap si Mayor na paunahin ko na sila.

<.-.> May Mayor? Matatapatan ba nito ang dami ng celebrity sa Paboritong Libro ni Hudas?

Tinutukoy mo ba sila Donita Rose, Marvin Agustin, at Tootsie Guevarra na nasa ikatlong libro? Ikinalulungkot ko, pero mas hitik at nag-uumapaw sa mga celebrity ang Kapitan Sino.

<.-.> Pero hindi mo maitatangging ako ang pinakasikat mong celebrity dahil lumabas ako sa dalawang libro!

Tama. Lumabas ka sa itim at puting libro. Pero may iba pa kong tauhan na lumabas din ulit dito sa Kapitan Sino.

<.-.> Huh?! Hindi mo ko pinasasaya sa mga sagot mo, Bob Ong! At bakit ako magkaka-interes kay Kapitan Sino kung nung 80's pa ang adventure nya?

Kung itatanong mo yan pagkatapos magbasa, hindi mo naintindihan ang libro.
<.-.> Saan ba ko kukuha ng kopya?

Unti-unti na pong nagkakaroon ngayon ang mga paborito nyong eatery o sari-sari store. Kung wala pa, baka naubusan lang kayo. Subukan nyo ulit sa ibang araw.

<.-.> Magkano ba?

75 pesos lang po...kung panahon ni Cory Aquino! Pero dahil 2009 na, P175.00 po ang isa.

<.-.> Matagal-tagal bago nasundan ang Macarthur.

Ito ang pinakamatagal na agwat ng pagsusulat ko. Pero natapos din ang libro, salamat sa inspirasyon mula sa mga mambabasang tagapagpalakas ng loob at umaasang laging masusundan pa ang huling librong nabasa nila. Dahil sa simpleng hiling nila na laging masabihan kagad kung may bago na silang mababasa kaya ginagamit na naman kita ngayon para sa official announcement.

<.-.> Sanay na ko. Alam ko kailangan mo ng celebrity endorser para sa Kapitan Sino. Idagdag mo na lang sa talent fee ko yung t-shirt ng officialuse.net.

Punta ka sa Komikon sa UP sa Sabado, May 16.
http://visprintpub.blogspot.com/ Meron doong mga t-shirt ni Bob Ong. Mura lang dahil hindi ka na magbabayad ng shipping fee. Pagkakataon mo na!

<.-.> Aba, talagang double-purpose ang patalastas ah! May Swine Flu ka pa sa lagay na yan.

Sipon lang.

<.-.> Sa susunod mong libro wag kang gagawa ng announcement pag may sipon ka, kasi lalong kumo-corny.

Sige, susubukan ko. Salamat.


Oh ano pang hinihintay niyo? Bili na! =)

Read more »

Posted in: Blog ni Eych,Bob Ong

Muka Kang Germs!

Pansin niyo ba ang nagyayari ngayon? Ang mundo natin ay tadtad na ng germs, sipon, trangkaso, buni, hadhad, alipunga, tinga, lagnat, virus, swine flu, dog flu, cat flu, elephant flu, bangaw flu, at kung anik-anik na nakakainis. Kahit saan may germs. Kahit saan. Kahit saan.


Minsan, natatawa na lang ako sa commercial ng isang sikat na brand ng sabon. Meron silang doctor na kinuha na merong isang mahiwagang machine (masyado yatang malaki ang machine), mahiwagang tiny machine na susukat sa dami ng germs sa isang lugar. Tapos matutuklasan niya na sandamakmak na germs ang nasa cellphone, sa school service, sa lamesa at kahit saan ka magpunta. Tapos sa huli, ang kailangan ay gumamit ng ineendorse nilang sabon para mailigtas ang kaluluwa mo sa mga germs na bumabalot sa sanlibutan. Muka na tayong germs.

Hay. Bakit pa ako magsasabon kung kahit saan naman ay may germs? "Maghugas ng kamay, Mag-". Pero saan nga ba nagsimula ang pagdami ng lahi mo? Ay este pagdami ng lahi ng germs? Hindi ko rin alam. Pero baka naman sa mga nagpapasabog mula sa isang butas ng katawan na sumama sa mga nalalanghap nating hangin sa araw-araw na pumasok na sa mga butas ng katawan natin hanggang sa maging isang malaking bacteria na tayo na tinubuan ng mukha?

Tingin ko nga, germs ang bumubuhay sa industriya ng sabon, ng hand sanitizers, ng vitamin c, ng gas mask at mga gamot. Paano kung walang germs? Siguro hindi nag-exist ang mga nabanggit. Pero pwede pa rin naman silang magamit pampacute.

Hindi ko alam kung bakit ito ang natripan kong maging topic para sa isang blog. Muka lang sigurong bacteria 'tong katabi ko. (Pero mag-isa lang ako dito.)

"This blog contains millions of bacteria that can cause death. Wash your hands after reading. Thanks."

Read more »

Posted in: Blog ni Eych,Germs

Wanted: Mystery Millionaire's Wife

Maghahanap sana ako ng kasaysayan ng Quezon City sa internet dahil assignment namin 'yun sa Philippine History, pero nagulat ako sa isang balita sa Yahoo! (www.yahoo.com)- isang milyonaryo ang naghahanap ng mapapangasawa!

Akala ko sa telenovela lang meron 'nun, pero sa totoong buhay din pala. Hindi ko alam kung anong trip sa buhay nitong si "Mistery Millionaire Man". Sa katunayan, nag-hire siya ng isang matchmaker - si Janis Spindel - na binayaran niya ng $50,000! Eto ang video, panuorin niyo:

Kung interesado ka, keilangan e pasok ka sa mga qualities na hinahanap ng ating Mystery Millionaire Man:

"You should be at least 5-feet-5 or 5-feet-6-inches tall and have what Spindel calls the Four Bs -- beauty, brains, a good, healthy body and a balanced life."

Tinanong din si Janis (ang matchmaker ng millionaire na 'to) kung bakit naghahanap ito ng mapapangasawa kung saksakan naman siya ng yaman at napaka-gwapo pa . Eto ang sagot niya:

"He ... has obviously been working like a madman and looking for love in all the wrong places, he's had a billion horrific blind dates."

Sa mga interesado, mag-apply lang sa website na ito: www.janisspindelmatchmaker.com. Doon daw merong "application form for anyone who wants to be a millionaire's wife."

Kapag tinanggap ni Ms. Matchmaker ang application mo, sisingilin ka nito ng $25 (na hindi ko alam kung para saan, baka pang-load ni matchmaker), at kapag napagpasyahan niya na makipagkita sa'yo, sisingilin ka ulit ng $50 (na muli, ay hindi ko alam kung para saan). At kapag nagustuhan ka na niya ng bonggang-bongga, irerekomenda ka na niya kay Mr. Mystery Millionaire Man. Bawing-bawi na ang $75 mo.

Pero kung ako sa kanya, hindi ko gagawin 'yun. (Ooowwsss?) Oo nga. Tingin ko kalokohan 'yun. Kung naghahanap ka ng taong magmamahal sa'yo, isang malaking pagkakamali ang "bumili ng babae". Parang ganun na din di ba? Syempre, maraming mag-aapply dyan, may mapipili si Ms. Matchmaker para maging asawa niya, at sa bandang huli, isa lang din ang dahilan kung bakit siya pinakasalan ng babae - dahil sa yaman niya. Asan ang true love? Natututunan nga naman ang pagmamahal. Eh pano kapag hindi natutunan? Suntukan na lang?

Magtagumpay kaya 'tong matchmaking na 'to? Makahanap kaya siya ng taong magmamahal sa kanya at hindi ng dahil sa yaman niya?

At pwede bang 1x1 na lang 'yung ilalagay ko sa application form? Ano nga ba 'yung postal code sa Quezon City? Paki-email na lang sakin ha? Thanks.

Read more »

Posted in: Blog ni Eych,Love,Millionaire

Kelan Ka Magsu-suicide?

Sino nga ba ang hindi nakakaalam sa balita ngayon tungkol sa nangyaring "pagpapakamatay" ng asawa ni Ted Failon na si Trina Etong? Kung isa ka sa mga naniniwalang nag-suicide nga ang nasabing ginang, ituloy mo ang pagbabasa.

Hindi ko naisip na maging ang pamilya ng mga sikat na personalidad sa telebisyon e nakakaranas din ng problemang pam-pinansyal. Lalo na sa isang katulad ni Ted Failon na matagal nang nasa serbisyo. Pero wala naman kasing nakakaalam kung paano nangyari 'yun, mahirap na din magsalita.

Hanga ako sa anak ni Ted Failon na si Kaye Etong. Kahit na wala na 'yung Mama niya at hindi masyadong maganda 'yung dahilan kung bakit, may lakas ng loob pa rin siyang magsalita sa napakaraming tao para lang ipagtanggol ang pamilya niya (na halos sirain na ng mga naka-kulay blue na uniform). Sana nga lang wala nang matulad pa sa sinapit ng nanay niya.

Suicide. Sabi ng mga eksperto, 90% daw ng mga nagpapakamatay ay dahil sa sobrang depresyon o kalungkutan. "Pantapos ng problema", sabi 'nung mga friends ko na nag-suicide 'nung dalawin ko sila sa sementeryo. Oo nga, pantapos ng problema. Pero kasabay ng pagtapos mo sa problema mo ay ang pagtapos mo sa lahat ng aspeto ng buhay mo at maging ng buhay ng ibang tao sa paligid mo. Tutuldukan mo ang kasiyahan ng ibang tao "simply because you extist", sabi nga sa isang text quote. Tatapusin mo ang pangarap mo at ang mga pangarap na binuo mo kasama ng ibang taong mahal mo. Wawakasan mo ang ilang pagkakataong sumaya at ang pagkakataong matanaw ang bukas, ang pagkatapos ng bukas, at pagkatapos ng pagkatapos ng bukas. Kung inaakala mong matatapos mo ang problema sa simpleng paglaslas ng pulso (gamit ang kinakalawang na blade), pagbibigti (gamit ang sinulid), pagbabaril sa sarili (gamit ang pellet gun, pwede rin ang water gun), pagtalon sa billboard (ni Angel Locsin),pag-ooverdose ng gamot (epektib daw 'yung biogesic), o pagtalon sa building (ng Taipei 101) e nagkakamali ka.

Ang mahal kayang magpalibing. Kabaong pa nga lang, mamumulubi ka na. Kung magsu-suicide ka, abisuhan mo na ang pamilya mo para naman makapag-ipon sila. "Ma, magsu-suicide na ko sa Tuesday, 3:54 ng umaga. Bumagsak kasi ko sa Math. P20,000 ata 'yung kabaong. 'Yung kulay pink Ma ha?"

Ikaw, magpapakamatay ka ba? Kung oo,galingan mo. Dapat 'yung siguradong chugi ka na dahil kapag nabuhay ka pa, sangkatutak na sermon pa ang aabutin mo. "Walangya ka anak! Bakit ka nagtangkang magpakamatay? Bakit hindi mo ginalingan??" At utang na loob, huwag ka nang magmulto. Kung ako sa'yo, mga ilang oras lang matapos mong mag-suicide, pumunta ka sa airport. Sumakay ka ng eroplano at pumunta ka sa lahat ng lugar na gusto mong puntahan. Libre lang ang tiket. Di na kailangan ng matiding security check. Huwag sayangin ang pagkakataon.

Pero seryoso,kahit saang anggulo mo tignan, isa sa pinakamalaking kalokohan sa mundo ay ang magpakamatay. Sa napakaraming dahilan, sa napakaraming pagkakataon, at sa napakaraming aspeto, hindi ka "in" kapag nag-suicide ka. Hindi ka papayagang makapasok sa hotel ni Bro.

Mag-isip-isip ka na.



(P.S. Napakaraming larawan ng "suicide" sa internet, pero 'yung nasa itaas lang ang sa tingin ko 'y pinaka-katanggap-tanggap sa puso ng tao. Toinks!)

Read more »

Posted in: Blog ni Eych,Buhay

Happy Mahal Na Araw!

Mahal na Araw na. Ito 'yung linggo na ginugunita natin ang sakripisyo ng Panginoon. Pero naiintindihan ba talaga natin 'to? Nararamdaman ba natin ang pasakit na dinanas Niya? At bakit andaming naka-bikini ngayon?

Hindi ko lang sigurado. Pero bata pa lang ako, hindi ko ugali 'yung mag-iisip ng mga bagay na ikakasaya ko ngayong Mahal na Araw. Hindi ko naisip sabihin sa Nanay ko na "Swimming tayo!" sa kalagitnaan ng linggo na 'to. Hindi ko lang talaga maintindihan kung bakit andaming tao sa mga resorts at mga pasyalan ngayong Banal na linggo na 'to. Eh di ba nga nagpakasakit si Hesus, bakit nagsasaya tayo?

Hindi naman sa KJ ako. Hindi ko din sinabi na kailangan e humahagulgol tayo dahil kawawa naman si Jesus. Nagtataka lang talaga ako kung bakit sa Mahal na Araw naiisip ng mga tao mag-swimming o kaya mamasyal. Sabi pa nga sa balita kagabi sa TV, "Alamin ang mga patok na pasyalan ngayong Mahal na Araw." Hindi ko na inalam, at bakit ko aalamin? Naisip ko tuloy, siguro nasa isip ng mga taong 'to, "Woi Pare! Nagpapako si Hesus sa krus para sa mga kasalanan mo! Tara swimming tayo!!".

Bakit nga ba ganun tayo? Holy Monday. Holy Tuesday. Holy Wednesday. Holy..ahm Maundy Thursday. Good Friday. Black Saturday. Walang Wowowee, walang Eat Bulaga. Wala ang mga regular programs. (Siguro dahil magsiswimming ang mga artista). Pero kung tatanungin niyo ko, mas trip kong sa bahay na lang muna. Walang masama sa pagsiswimming ng mahal na araw, nagsakripisyo lang naman si Jesus para satin, big deal ba 'yun?

Koting penitensya. Konting sakripisyo. Konting dasal. Konting pasasalamat. Mahirap ba'yun?

Hanga ako sa mga taga-probinsya na naglalaan ng oras para sa mga ganitong okasyon. Minsan hindi rin nakakapagtaka ang lahat ng mga masasamang nangyayari sa mundo. Hindi nakakapagtaka.

Ano? Tara! Swimming! Amen.

Read more »

Posted in: Blog ni Eych